ගල් ඔරුව

                     ගල් ඔරුව දිය ඇල්ල ඉහළ සිට පහළට කඩා වැටෙන දිය ඇල්ලක් නොවෙයි. එය එකිනෙකට ඉතාමත් ලංව පිහිටා ඇති පර්වත දෙකක් අතරින් ඉතා වේගයෙන් ගලා යන්නා වූ දිය දහරකි. ගල් ඔරුවක හැඩය නිසා එම ඇල්ලට ගල් ඔරුව යන නාමය ලැබී ඇත. විටෙක නැරබීමට බිය උපදවන සුළු දසුනක් වුවද එය සංචාරක ආකර්ෂණය නොඅඩුව ලැබෙනා ස්ථානයකි.

දුවිලි ඇල්ල

                 තට්ටු ඇල්ලට ඉහළින් පිහිටා ඇති මෙය ඉතාමත් ආකර්ෂණීය දියඇල්ලකි. දිය ඇල්ල වැටෙන ස්ථානයේ පිහිටා ඇති ජල තටාකය වර්ෂාව අඩු කාලයේදී  සංචාරකයන්ට නෑමට සුදුසු ස්ථානයකි. හාත්පස සිසිල් කරමින් විසිරෙනා දුහුවිලි බඳු ජල බිංදු නිසා මෙම ඇල්ලට දුවිලි ඇල්ල යන නාමය ලැබී ඇත.

තට්ටු ඇල්ල

                බ්‍රාහ්මණ ඇල්ලට ඉහළින් පිහිටා ඇති මෙම දිය ඇල්ල තට්ටු කිහිපයකට පිහිටා ඇති නිසා මෙය තට්ටු ඇල්ල ලෙස හඳුන්වයි. පායනා කාලයට මෙම දිය ඇල්ලේ සුන්දරත්වය මදක් හීන වුවද වැසි සමයට ඉතාමත් දර්ශනීය සුන්දරත්වයක් පෙන්වයි.