ගාල්ල නෙළුව ප්‍රදේශයෙන් සිංහරාජයට ඇතුළුවන මාර්ගයේ නෙළුව සිට 10km පමණ දුරක් වනාන්තරය දෙසට ගමන් කරනා විට ලංකාගම ග්‍රාමය හමුවේ. දෙණියාය හරහා පල්ලේගම මාර්ගයෙන්ද මෙම ගම්මානයට ප්‍රවේශ විය හැකිය. වර්තමානය වන විට එය දේශීය මෙන්ම විදේශිකයන්ගේද ආකර්ෂණය දිනාගත් ස්ථානයක් බවට පත් වී ඇත. මෙම ප්‍රදේශයේ දී වනාන්තරය මෙන්ම සතුන් හා සුන්දර දියඇලි නැරඹීමට මෙන්ම ගිං ගඟෙහි සුන්දරත්වය විඳින්නට ද වාර්ෂිකව විශාල සංචාරක ප්‍රමාණයක් මෙම ප්‍රදේශයට ඇඳී එයි. අද වනවිට මෙම ගම ඇසුරේ සංචාරක නවාතැන් කිහිපයක් ආරම්භ කර ඇති අතර වනසංරක්ෂණ දෙපාර්තුමේන්තුව මඟින් පිහිටුවා ඇති කඳවුරක්ද ඇත. එහෙයින් සංචාරකයන් හා පර්යේෂකයන්ට දින කිහිපයක් වුවද නවාතැන් ගැනීමේ හැකියාව ලැබීම මෙහි සංචාරක කටයුතු වර්ධනය වීමට හේතු වී ඇත.
No comments:
Post a Comment